लागुऔषध मुद्दामा काठमाडौं प्रहरी हिरासतबाट फरार भएका ४० वर्षीय सञ्जिव महर्जनलाई प्रहरीले कीर्तिपुरको ट्याङ्लाफाँटबाट पक्राउ गरेको छ। काठमाडौं उपत्यका अपराध अनुसन्धान कार्यालयका अनुसार, महर्जन जेनजी आन्दोलनको समयमा प्रहरी हिरासतबाट भागेका थिए।
१३ जेठ, काठमाडौं। लागुऔषध सम्बन्धी मुद्दामा हिरासतबाट फरार भएका एक प्रतिवादी पक्राउ परेका छन्। उनलाई काठमाडौंका विभिन्न ठाउँहरूमा लुकिछिपी गरेको आरोपमा प्रहरीले पक्राउ गरेको हो। जेनजी आन्दोलनको क्रममा जिल्ला प्रहरी परिसर काठमाडौंबाट लागुऔषध मुद्दामा अनुसन्धान म्याद थप भई भइरहेको ४० वर्षीय सञ्जिव महर्जन फरार थिए। उनलाई प्रहरीले बुधबार काठमाडौंको कीर्तिपुरस्थित ट्याङ्लाफाँटबाट पक्राउ गरेको काठमाडौं उपत्यका अपराध अनुसन्धान कार्यालयका सूचना अधिकारी एवं उपरीक्षक रामेश्वर कार्कीले जानकारी दिएका छन्।
