मेस्सीको शरीरमा १८ भन्दा बढी ट्याटु, तिनीहरूको अर्थ र कारण के हो?

फुटबलका सुपरस्टार लियोनल मेस्सी आफ्नो खेलकुदसँगै ट्याटुका कारण पनि परिचित छन्। ३८ वर्षको उमेरमा मेस्सीको शरीरमा हाल १८ वटा फरक डिजाइनका ट्याटुहरू खोपिएका छन्। विभिन्न अन्तर्राष्ट्रिय सञ्चारमाध्यमहरूले बताएका छन् कि मेस्सीले प्रत्येक ट्याटु विशेष कारणले खोपाएका हुन्। ती ट्याटुहरू उनका जीवनका महत्वपूर्ण क्षणहरूको डायरीझैँ रहेका छन्। उनले परिवार, आस्था, फुटबल र प्रेम सम्बन्धी यादहरू ट्याटुका रूपमा अंकित गराएका छन्। मेस्सीले सन् २०१० मा पहिलो पटक ट्याटु खोपाउन सुरू गरेका थिए। त्यतिबेला उनी बार्सिलोनामा थिए र गर्मीको मौसम थियो। मेस्सीले आफ्नो बाँया काँधको पछाडि आफ्नो आमाको पोर्ट्रेट—सेलिया मारिया कुचितिनी—खोपाएका थिए। उक्त ट्याटु आमाको सम्मानमा बनाइएको थियो, जसले आर्थिक कठिनाइहरू बाबजुद पनि मेस्सीलाई फुटबलको सपना पूरा गर्न बार्सिलोनामा पठाएकी थिइन्।

आमाको पोर्ट्रेटपछि मेस्सीले सन् २०१२ मा दोस्रो ठूलो ट्याटु बनाएका थिए। पहिलो छोरा थियागोको जन्मपछि उनले बाँया खुट्टाको पछाडि भागमा थियागोको हातको निशान ट्याटु बनाएका थिए। सुरुमा यो हातको निशान मात्रै थियो, तर पछि मेस्सीले थियागोको नाम थपेर ‘मेरो छोराको हो’ भन्ने सन्देश दिएका छन्। दोस्रो छोरा माटियो जन्मिएपछि त्यस नाम पनि जोडियो। सन् २०१८ मा तेस्रो छोरा सिरो जन्मिएपछि उनले दायाँ खुट्टाको घुँडामाथि तीनै छोराहरूको नाम र जन्म मिति खोपाएका छन्। मेस्सीकी प्रेमिका र श्रीमती एन्टोनिला रोकुजाको नाम पनि त्यहीँ छ। उनले एन्टोनिलाको ओठ, आँखा, र क्राउनको पनि ट्याटु बनाएका छन्।

मेस्सीका ट्याटुहरू मार्फत उनका आस्थाबोध र आध्यात्मिकतापनि प्रष्ट देखिन्छ। उनले दायाँ काँधमा येशूको ट्याटु बनाएका छन् भने बार्सिलोनाको प्रसिद्ध सागराडा फ्यामिलिया चर्चको रोज विन्डोको ट्याटु समेत दायाँ कुहिनामा छ। कमलको फूलको ट्याटु पनि उनको शरीरमा छ। मेस्सीले घडी र कंगाको ट्याटु पनि बनाएका छन्, जुन समयको महत्व र जीवनको गतिलाई सम्झाउने भनिन्छ। फुटबलप्रतिको उनको समर्पण उनको बाँया खुट्टामा देखिन्छ जुन फोटो ल्याउन सकिन्छ क्यानभासझैं हो। मेस्सीले ट्याटु किन खोपाए? सन् २०१० देखि उनले विल्कुलै नयाँ ट्याटुहरू शरीरमा थप्दै आएका छन्। यी ट्याटुहरू खास विशेष समय, सम्झना तथा भावना प्रकट गर्न बनाएका हुन्।