अर्थमन्त्री डा. स्वर्णिम वाग्लेले राष्ट्रपति रामचन्द्र पौडेललाई आगामी आर्थिक वर्ष २०८३/८४ को बजेटबारे शीतल निवासमा जानकारी गराउनुभएको छ। उनले आर्थिक सर्वेक्षण २०८२/८३ र सार्वजनिक संस्थानको वार्षिक स्थिति समीक्षा प्रतिवेदन पनि राष्ट्रपतिलाई हस्तान्तरण गर्नुभएको छ। सरकारले आगामी आर्थिक वर्ष २०८३/८४ को बजेट जेठ १५ गते शुक्रबार अपराह्न ४ बजे संसद्को संयुक्त सदनमा प्रस्तुत गर्ने तयारी गरेको छ।
१४ जेठ, काठमाडौं। अर्थमन्त्री डा. स्वर्णिम वाग्लेले बिहीबार अपराह्न राष्ट्रपति कार्यालय शीतल निवासमा भएको भेटमा आर्थिक वर्ष २०८३/८४ को राजश्व र व्ययको वार्षिक अनुमान (बजेट) सम्बन्धमा विस्तृत जानकारी दिनुभएको हो। सोही अवसरमा उनले संसद्मा पेश गरिएको आर्थिक सर्वेक्षण २०८२/८३ र सार्वजनिक संस्थानको वार्षिक स्थिति समीक्षा प्रतिवेदन पनि राष्ट्रपतिलाई हस्तान्तरण गर्नुभएको थियो। अर्थमन्त्री डा. वाग्लेले भोलि जेठ १५ गते शुक्रबार अपराह्न ४ बजे संसद्को संयुक्त सदनमा सरकारको आर्थिक वर्ष २०८३/८४ को बजेट प्रस्तुत गर्ने तयारीमा हुनुभएको छ। बजेट निर्माण प्रक्रिया लगभग अन्तिम चरणमा पुगेको अर्थ मन्त्रालयले जानकारी दिएको छ।
