इरानलाई वार्तामा ल्याउन सैन्य र आर्थिक दबाबको निर्णायक भूमिका : अमेरिकी अर्थमन्त्री स्कट बेसेन्ट

१५ जेठ, काठमाडौं । अमेरिकी अर्थमन्त्री स्कट बेसेन्टले इरानलाई वार्ताकक्षमा ल्याउन सैन्य कारबाही र आर्थिक दबाबले महत्वपूर्ण भूमिका खेलेको बताएका छन्। अमेरिका र इरानबीच सम्भावित सम्झौताबारे वार्ता जारी रहेका बेला अर्थमन्त्री बेसेन्टले यस सम्बन्धमा आफ्नो धारणा राखेका हुन्। उनले इरानमाथि लगाइएका प्रतिबन्धहरूलाई सहज बनाउन र फ्रीज गरिएका सम्पत्तिहरू फुकुवा गर्ने प्रक्रिया ढिलो गतिमा अघि बढिरहेको बताएका छन्।

अर्थमन्त्री बेसेन्टले बिहीबार व्हाइट हाउसमा पत्रकारहरूसँग कुरा गर्दै अमेरिका र उसका सहयोगीहरूले चालेका सैन्य कदमहरू साथै कडा आर्थिक प्रतिबन्धहरूले दबाब सिर्जना गरेर इरानलाई वार्ताका लागि बाध्य बनाएको उल्लेख गरे। उनले अमेरिका र इरानबीच सम्झौताको संभावना बढिरहेको संकेत पनि दिएका छन्। तथापि, अन्तिम निर्णय अमेरिकी राष्ट्रपति डोनाल्ड ट्रम्पको हातमा रहने कुरा पनि उनले स्पष्ट पारे।