१५ जेठ, काठमाडौं । सरकारले नवलपुरस्थित धौवादी फलाम कम्पनी लिमिटेडमा रहेको आफ्नो शेयर हिस्सेदारी घटाउने तयारी गरिरहेको छ । यस कम्पनीलाई सार्वजनिक र निजी साझेदारी मोडेल मार्फत सञ्चालन गर्ने कार्यविधि आगामी आर्थिक वर्ष २०८३/८४ को बजेट वक्तव्यमा समावेश गरिएको छ । धौवादी फलाम कम्पनी लिमिटेड पूर्ण रूपमा नेपाल सरकारको स्वामित्वमा रहेको छ । यस कम्पनीलाई २०७६ असोज ९ गते कम्पनी रजिष्टार कार्यालयमा दर्ता गरी २०७६ फाल्गुण महिनादेखि सञ्चालनमा ल्याइएको हो ।
