इरानले काजाखस्तानलाई ३–१ सेटले पराजित गर्दै काभा महिला भलिबल च्याम्पियनसिपको उपाधि जितेको छ। त्रिपुरेश्वरस्थित दशरथ रंगशाला कभर्डहलमा शुक्रबार सम्पन्न फाइनल खेलमा इरान अपराजित रहदै विजयी भएको हो। यस जितसँगै इरानले लगातार दोस्रो संस्करणमा अपराजित रहँदै उपाधि जितेर सेन्ट्रल एसियामा आफ्नो प्रभुत्व कायम राखेको छ।
सन् २०२४ मा काठमाडौंबाट सुरु भएको यस प्रतियोगिताको पहिलो संस्करणमा इरान तेस्रो स्थानमा सीमित भएको थियो। तर त्यसपछिका दुई संस्करणमा इरान अपराजित रहँदै उपाधि जित्न सफल भएको छ।
