अर्थमन्त्री डा. स्वर्णिम वाग्लेले आगामी आर्थिक वर्षका लागि २१ खर्ब २४ अर्ब ३४ करोड रुपैयाँको बजेट सार्वजनिक गरेका छन्। सरकारले चालु खर्चमा १२ खर्ब ७० अर्ब, पूँजीगत खर्चमा ४ खर्ब ३१ अर्ब र वित्तीय व्यवस्थापनमा ४ खर्ब २२ अर्ब रुपैयाँ विनियोजन गरेको छ। कुल बजेटमध्ये राजस्वबाट १४ खर्ब ४ अर्ब उठाउने र बाँकी रकम अनुदान तथा ऋणबाट व्यवस्थापन गर्ने लक्ष्य राखिएको छ।
१५ जेठ, काठमाडौं। आगामी आर्थिक वर्षको बजेट २१ खर्ब २४ अर्ब ३४ करोड रुपैयाँ बराबर घोषणा गरिएको छ। अर्थमन्त्री डा. स्वर्णिम वाग्लेले उक्त रकमको बजेट योजना प्रस्तुत गरेका छन्। पूँजीगत तर्फ ४ खर्ब ३१ अर्ब र वित्तीय व्यवस्थापनतर्फ ४ खर्ब २२ अर्ब विनियोजन गरिने जानकारी उनले दिएका छन्। साथै राजस्व सङ्कलन १४ खर्ब ४ अर्ब रहने अपेक्षा गरिएको छ। अनुदानतर्फ ६१ अर्ब ७४ करोड र वैदेशिक ऋणतर्फ २ खर्ब ४७ अर्ब विनियोजन गरिने उनले बताएका छन्। आन्तरिक ऋणतर्फ ४ खर्ब १० अर्ब र चालु खर्चतर्फ १२ खर्ब ७० अर्ब रुपैयाँ छुट्याइएको छ।
सम्बन्धित खबर
