१८ जेठ, काठमाडौं । बालिका बलात्कारको आरोपमा रेड नोटिस जारी भएका एक व्यक्ति सिन्धुली जिल्लाबाट पक्राउ परेका छन्। पक्राउ पर्ने व्यक्ति सिन्धुलीको कमलामाई नगरपालिका–९ का ५१ वर्षीय धनबहादुर बोगटी हुन्। प्रहरीले उनलाई कमलामाई–८ बाट पक्राउ गरेको जानकारी दिएको छ। उनमाथि ७ वर्षीया बालिकालाई बलात्कार गरेको आरोप लागेको छ। प्रहरीको अन्तर्राष्ट्रिय संस्था इन्टरपोलले ६ पुस २०८२ मा उनीविरुद्ध रेड नोटिस जारी गरेको थियो। पक्राउ परेका धनबहादुर बोगटीविरुद्ध बलात्कारको आरोपमा अनुसन्धान प्रक्रिया अघि बढाइएको छ।
