स्वास्थ्य मन्त्रालयद्वारा विभिन्न परिषद्, अस्पताल र बीमा बोर्डका पदाधिकारी पदहरूका लागि आवेदन खुला

२० जेठ, काठमाडौं। स्वास्थ्य तथा खाद्य स्वच्छता मन्त्रालयले विभिन्न परिषद्, अस्पताल तथा स्वास्थ्य बीमा बोर्डका पदाधिकारी पदहरूका लागि आवेदन आह्वान गरेको छ। मन्त्रालयले सार्वजनिक सूचना जारी गर्दै आयुर्वेद चिकित्सा परिषद्, स्वास्थ्य अनुसन्धान परिषद्, नर्सिङ परिषद्, स्वास्थ्य व्यवसायी परिषद्, फार्मेसी परिषद्, मेडिकल काउन्सिल, बीपी कोइराला मेमोरियल क्यान्सर अस्पताल, गंगालाल हृदयरोग केन्द्र र स्वास्थ्य बीमा बोर्डका रिक्त पदहरूमा आवेदन माग गरेको छ। यी विभिन्न परिषद्, अस्पताल र बोर्डमा अध्यक्ष, सदस्य, रजिष्ट्रार, कार्यकारी निर्देशक लगायतका पदहरू खाली रहेका छन्। सो सूचना अनुसार, आजको मितिदेखि १० दिनभित्र आवेदन दिन सकिनेछ। ऐन तथा नियमावली अनुसार योग्य इच्छुक उम्मेदवारहरूले स्वास्थ्य मन्त्रालय, सिंहदरबार कार्यालयमा आवेदन पेश गर्न सक्ने उल्लेख सूचनामा गरिएको छ।