तेह्रथुमको म्याङ्लुङबाट प्रहरीले १३ थान यार्सागुम्बा र ९ वटा मोटरसाइकलसहित चार जनालाई नियन्त्रणमा लिएको छ। पक्राउ पर्नेमा संखुवासभाको मादी नगरपालिका–९ का जीवन लिम्बु, कर्णबहादुर लिम्बु, बादल लिम्बु र हर्कबहादुर श्रेष्ठ रहेका छन्। बरामद सामग्री र नियन्त्रणमा लिइएका व्यक्तिहरूलाई थप कारबाहीका लागि डिभिजन वन कार्यालय तेह्रथुममा बुझाइएको छ।
२० जेठ, तेह्रथुम। तेह्रथुममा यार्सागुम्बासहित चार जना पक्राउ परेका छन्। पक्राउ पर्नेहरूमा संखुवासभाको मादी नगरपालिका–९ का जीवन लिम्बु, कर्णबहादुर लिम्बु, बादल लिम्बु र हर्कबहादुर श्रेष्ठ रहेको प्रहरीले जनाएको छ। प्रहरीका अनुसार म्याङ्लुङ नगरपालिका–६ मा रहेको भुसीने जिपटारे सामुदायिक वन क्षेत्रबाट उनीहरूलाई नियन्त्रणमा लिइएको हो।
गोप्य सूचनाको आधारमा खटिएको प्रहरी टोलीले खोजतलासका क्रममा उनीहरूलाई नियन्त्रणमा लिइएको प्रहरीले जनाएको छ। पक्राउ परेका व्यक्तिहरूको साथबाट १३ थान यार्सागुम्बा तथा ९ वटा मोटरसाइकल बरामद गरेको जिल्ला प्रहरी कार्यालय तेह्रथुमले जनाएको छ। बरामद सामग्रीसहित पक्राउ परेकाहरूलाई आवश्यक कानुनी कारबाहीका लागि डिभिजन वन कार्यालय तेह्रथुममा बुझाइएको छ।
