रुसले कब्जा गरेको युक्रेनी भूभागमा यात्रुवाहक बसमाथि ड्रोन आक्रमण, सात जनाको मृत्यु

रुसले आफ्नो नियन्त्रणमा लिएको युक्रेनी भूभागमा यात्रुवाहक बसमाथि ड्रोन प्रहारबाट सात जनाको मृत्यु भएको अधिकारीहरूले बताएका छन्। सो घटनामा थप ११ जना घाइते भएका छन्। मस्कोदेखि रुसी नियन्त्रणको क्राइमियाको सिम्फेरोपोलसम्म सञ्चालन गर्ने उक्त बसमा बुधबार बिहानै ड्रोन आक्रमण भएको डोनेट्स्कस्थित रुसी नेता डेनिस पुशिलिनले बताए।

रुसी अधिकारीहरूको अनुसार मङ्गलवार राति रूसले ३५० वटा ड्रोन खसालिएको थियो। रुसी नियन्त्रणमा रहेका क्षेत्रमा युक्रेनी पक्षले बदली हमला गर्दा पहिलो दिनै महिला र बालबालिकासहित कम्तीमा २२ जनाको मृत्यु भएको थियो। “येनाकियेफोमा, मस्को र सिम्फेरोपोल जोडिएको बसमा यूएभी प्रयोग गरी हमला भएको छ। प्रारम्भिक सूचना अनुसार सात सर्वसाधारणको ज्यान गएको छ,” पुशिलिनले टेलिग्राममार्फत बुधबार बताए। घाइते ११ जनाको उपचार भइरहेको छ, उनले थपे।

रुसी अधिकारीहरूले बेल्गोरोड, कुर्स्क, अन्य पश्चिमी क्षेत्रहरू तथा मस्को र आजोफ सागरबाट समेत ड्रोनहरूलाई निस्तेज बनाउँदै खसालिएको बताएका छन्। मस्कोबाट पश्चिमोत्तरको लेनिन्ग्राड क्षेत्रमा कम्तीमा ५० वटा ड्रोन खसालिएको क्षेत्रीय प्रशासक आलेक्सान्डर ड्रोज्डेन्कोले बताए। उक्त क्षेत्रमा सेन्ट पिटर्स्बर्ग सहर पनि पर्दछ, जहाँ बुधबारदेखि अन्तर्राष्ट्रिय आर्थिक फोरमको वार्षिक कार्यक्रम सुरू हुँदैछ। रातिको आक्रमणका कारण पुल्कोभो विमानस्थलले केही समयका लागि उडान बन्द गर्नु परेको रुसी उड्डयन नियामक निकाय रोसाभियाट्सियाले जनाएको छ।