दीपेन्द्र पाँचौं स्थानमा झरेका छन्

नेपाली राष्ट्रिय क्रिकेट टोलीका कप्तान दीपेन्द्रसिंह ऐरी आईसीसी टी–२० आई अलराउन्डर वरियतामा पाँचौं स्थानमा झरेका छन्। नयाँ वरियता अनुसार २३९ रेटिङ अंकसहित दीपेन्द्र वेस्ट इन्डिजका रस्टन चेजसँग संयुक्त रूपमा पाँचौं स्थानमा छन्। नेपाली पुरुष क्रिकेट टोली हाल सिंगापुरमा एसियन गेम्स छनोट खेलिरहेको छ। २० जेठ, काठमाडौं।

आईसीसीले मंगलबारसम्मको अपडेट अनुसार बुधबार जारी गरेको नयाँ वरियतामा दीपेन्द्र चौथो स्थानबाट पाँचौं स्थानमा पुगेका हुन्। उनका रेटिङ अंक २३९ यथावत् छन्। हाल नेपाली पुरुष टोली सिंगापुरमा एसियन गेम्स छनोट खेलिरहेको छ। पहिलो खेलमा नेपालले चिनलाई पराजित गरेको थियो। उक्त खेलमा दीपेन्द्रले ब्याटिङ गर्ने मौका पाएका छैनन्। बलिङमा भने उनले १ विकेट लिए।

अलराउन्डर वरियताको शीर्ष स्थानमा जिम्बाबेको सिकन्दर राजा रहेका छन्। उनका रेटिङ अंक ३२८ यथावत् छन्। भारतका हार्दिक पान्ड्या दोस्रो स्थानमा यथावत् छन्। उनका रेटिङ अंक २९९ छन्। तेस्रो स्थानमा पाकिस्तानका सायम अयुब रहेका छन्। अजमतुल्लाह ओमरजाइ चौथो स्थानमा छन् भने वेस्ट इन्डिजका रस्टन चेज पाँचौं स्थानमा उक्लिएका छन्। दीपेन्द्रकै समान २३९ अंक चेजका पनि छन्। दुवै पाँचौं स्थानमा छन्।