भारतीय कम्युनिस्ट नेता भट्टाचार्यको कक्रोच जनता पार्टीको प्रदर्शनमा सहभागिता

२३ जेठ, काठमाडौं । भारतमा कक्रोच जनता पार्टी (सीजेपी) को प्रदर्शनमा भारतीय कम्युनिस्ट नेता दीपंकर भट्टाचार्य पनि सहभागी भएका छन्। उनी सीपीआई एमएल लिबरेसनका महासचिव हुन्। भट्टाचार्य शनिबार सीजेपीले नयाँदिल्लीको जन्तर मन्तरमा गरिरहेको प्रदर्शनमा उपस्थित थिए। प्रदर्शनमा एकताबद्धता जनाउँदै नेता भट्टाचार्यले पेपर लिक रोक्न सरकार असफल भएको बताए।
त्यस्तै, बेरोजगारी तीव्र रूपमा बढिरहेको र सार्वजनिक शिक्षा प्रणाली योजनाबद्ध रूपमा ध्वस्त पारिएको कारणले युवाहरू आन्दोलनमा उत्रनु परेको उनले बताए। यी सबै असफलताका जवाफ सरकारले दिनुपर्ने उल्लेख गर्दै उनले वर्तमान शैक्षिक सङ्कटको जिम्मेवारी लिएर केन्द्रीय शिक्षामन्त्री धर्मेन्द्र प्रधानले तत्काल राजीनामा दिनुपर्ने माग गरे। सीजेपीले पनि शिक्षामन्त्री प्रधानको राजीनामा माग गर्दै यो प्रदर्शन गरिरहेको छ।