कास्कीको सूर्यदर्शन सहकारी ठगी प्रकरणमा थुनामा रहेका महेन्द्र भोटे ५ लाख रुपैयाँ धरौटीमा रिहा भएका छन्। कास्की जिल्ला अदालतका न्यायाधीश हिमलाल बेल्बासेको इजलासले उनलाई १७ करोड रुपैयाँ बिगो तिर्ने प्रतिबद्धता गराइ धरौटीमा रिहा गर्न आदेश दिएको हो। २४ जेठ, पोखरा।
महेंद्र भोटे धरौटीमा रिहा भएपछि १७ करोड बिगो रकम तिर्ने सम्झौतापछि उनी ५ लाख रुपैयाँ धरौटी बुझाएर रिहा भएका हुन्। शुक्रबार कास्की जिल्ला अदालतका न्यायाधीश हिमलाल बेल्बासेको इजलासले धरौटीमा रिहा गर्ने आदेश दिएको छ। कार्यालय शनिबार र आइतबार बन्द हुने भएकाले सोमबार उनको रिहाइ प्रक्रिया अघि बढ्ने जनाइएको छ।
महेंद्र नेकपा एमाले निकट युवा संघका नेता हुन्। उनी गत स्थानीय तहको निर्वाचनमा मादी गाउँपालिकामा अध्यक्षमा हार व्यहोरेका थिए। जिल्ला अदालतमा दर्ता भएको मुद्दामा १ अर्ब ११ करोड ३४ लाख ४३ हजार ४५ रुपैयाँ बिगो रकम जाहेरवालालाई तिर्न माग गरिएको थियो। सहकारी ऐन, २०७४ को दफा १२२ बमोजिम सहकारी ठगी प्रकरणमा १९ जनालाई प्रतिवादी बनाइएको छ।
सूर्यदर्शन सहकारीबाट जीबी राई समूहले नक्कली सेयर सदस्य र विभिन्न कम्पनीहरू बनाएर पैसा निकासी गरी अपचलन गरेको प्रहरीले बुझाएको प्रतिवेदनमा उल्लेख छ। सहकारीको रकम सबैभन्दा बढी जीबी राईका दाजुभाइ अध्यक्ष हुँदा अपचलन भएको देखिएको छ। २०६५ असार २६ देखि २०६८ मंसिर १७ सम्म ज्ञानबहादुर वम्जन अध्यक्ष हुँदा १९ करोड २ लाख ८४ हजार रुपैयाँ अपचलन भएको पाइएको छ।
सम्बन्धित खबर
