प्रतिनिधि सभा सदस्य डा. तोसिमा कार्कीको प्रमुख आतिथ्यमा काठमाडौंमा पाँचौँ राष्ट्रिय वादोरियो कराते प्रतिस्पर्धा सुरु भएको छ। प्रतिस्पर्धामा सातै प्रदेशका १५० खेलाडीले १४ वटा विभिन्न इभेन्टहरूमा प्रतिस्पर्धा गरिरहेका छन्। शनिबार सुरु भएको प्रतियोगिताका बाँकी प्रतिस्पर्धा आइतबार सम्पन्न हुने आयोजकले जानकारी दिएका छन्।
वादोरियो कराते डो संघको आयोजनामा पाँचौँ राष्ट्रिय वादोरियो कराते प्रतिस्पर्धा शनिबारदेखि सुरु भएको छ। संघका कोषाध्यक्ष पुरुषोत्तम पोखरेलले जानकारी गराए अनुसार, यस वर्ष पनि प्रत्येक वर्ष हुने राष्ट्रिय प्रतियोगितालाई निरन्तरता दिइएको हो। प्रतिस्पर्धामा १४ वटा इभेन्टहरूमा खेलाडीहरूबीच प्रतिस्पर्धा भइरहेको छ।
प्रतियोगिताअन्तर्गत पुरुष ५० केजी तौल समूहमा लुम्बिनीका बिशन थापा मगरले कर्णालीका सुरज यादवलाई तथा कोशीका बादल लिम्बूले सुनिल बिष्टलाई पराजित गर्दै फाइनलमा स्थान बनाए। महिला ४५ केजी तौल समूहमा लुम्बिनीकी शुसियन गुरुङले स्वर्ण पदक जितिन्, कोशीकी गरिता राजवंशीले रजत र बागमतीकी ओसिका शर्मा र कर्णालीकी सुमना तोलाङ्गीले कास्य पदक प्राप्त गरे। आयोजकका अनुसार प्रतिस्पर्धाका बाँकी खेलहरू आइतबार सम्पन्न हुनेछन्।
सम्बन्धित खबर
