इजरायलको हमला पश्चात तेहरानको हवाई क्षेत्र बन्द, ट्रम्प भन्छन्– निर्णय म गर्छु, नेतन्याहु होइन
गत अप्रिलको युद्धविरामपछि इरानले पहिलो पटक इजरायलमाथि मिसाइल प्रहार गरेपछि इजरायलले पनि इरानी सैन्य क्षेत्रमा जवाफी कारबाही सुरु गरेको छ। सैन्य तनाव बढेसँगै इरान, इराक र सिरियाले आफ्ना हवाई क्षेत्र बन्द गरेका छन्। अमेरिकी राष्ट्रपति डोनाल्ड ट्रम्पले इरानसँगको सम्झौता इजरायलले मान्नै पर्ने भन्दै, “निर्णय म गर्छु, नेतन्याहु होइन” भनेका छन्। २५ जेठ, काठमाडौं।
इरानले गत अप्रिलमा भएको युद्धविरामपछि पहिलो पटक इजरायलमाथि मिसाइल हमला गरेको छ। इरानी सरकारी सञ्चारमाध्यमका अनुसार आइतबार राति इजरायलतर्फ मिसाइल प्रहार गरिएको थियो। यस हमलापछि इजरायली क्षेत्रहरूमा साइरन बज्न थालेको र मानिसहरू बङ्करहरूमा सुरक्षित हुन बाध्य भएका थिए। इजरायली सेनाले अधिकांश मिसाइलहरूलाई बीचमै नष्ट गरेको दाबी गरेको छ। यद्यपि उत्तरी इजरायलमा धेरै विष्फोटको आवाज सुनिएका थिए। केही घण्टापछि इजरायलले जवाफ स्वरूप इरानमाथि कारबाही सुरु गर्यो।
इजरायली सेनाले पश्चिमी र मध्य इरानका सैन्य ठूला ठाँउहरूलाई निशाना बनाएको बताएको छ। इरानी समाचार एजेन्सी आईआरएनएका अनुसार तेहरान, तब्रिज र इस्फहानमा थुप्रै विष्फोटहरू भएका छन्। इरानको इस्लामिक रिभोलुसनरी गार्ड कर्प्स (आईआरजीसी) ले इजरायलले यी हमलाहरूमा हावाबाट प्रहार गरिने ‘एयर-लन्च ब्यालेस्टिक मिसाइल’ प्रयोग गरेको दावी गरेका छन्। हल्लापछि इरानले राजधानी तेहरानको इमाम खोमेनी अन्तर्राष्ट्रिय विमानस्थल वरिपरिका हवाई क्षेत्र बन्द गरेको छ।
त्यस्तै, इराकले ७२ घण्टाका लागि र सिरियाले १२ घण्टाका लागि आफ्ना हवाई क्षेत्र बन्द गर्ने निर्णय गरेको छ। ट्रम्पले संयम अपनाउन आह्वान गर्दै इजरायली प्रधानमन्त्री बेन्जामिन नेतन्याहुलाई ठूलो जवाफी कारबाही नगर्न आग्रह गरेका थिए। यसअघि इजरायलले लेबनानको राजधानी बेरुतका दक्षिणी उपनगरहरूमा हमला गरेको थियो, जसमा दुई जनाको मृत्यु र २० जना घाइते भएका थिए। इरानले भने बारम्बार अमेरिकी अडान बदलिँदा वार्ता अघि नबढेको बताएको छ।
