फिफा विश्वकप २०२६ नजिकिँदै गर्दा क्लब फुटबलमा लागेका चोटले गर्दा धेरै चर्चित खेलाडीहरू प्रतियोगिताबाट बाहिरिएका छन्। यसपटक विशेष गरी ब्राजिल र नेदरल्यान्ड्सका महत्वपूर्ण खेलाडीहरू चोट लागेर विश्वकप गुमाउँदा ती टोलीहरूलाई ठूलो धक्का लागेको छ। ब्राजिलका रोड्रिगो र नेदरल्यान्ड्सका जाभी सिमोन्ससहित अन्य प्रतिष्ठित खेलाडीहरू चोटका कारण विश्वकप छोड्न बाध्य भएका छन्। २६ जेठ, काठमाडौं।
अमेरिका, क्यानडा र मेक्सिकोमा आयोजना हुने फिफा विश्वकप २०२६ नजिकिँदै गर्दा विभिन्न टोलीका मुख्य खेलाडीहरू चोटका कारण प्रतियोगिताबाट बाहिरिएका छन्। क्लब फुटबलको क्रममा गम्भीर चोट लागेकाले धेरै स्टार खेलाडीले विश्वकप गुमाउने भएका छन्। ब्राजिल र नेदरल्यान्ड्सले मुख्य खेलाडी गुमाउँदा ठूलो प्रभाव पर्दा टोलीहरूमा चिन्ता बढेको छ।
जाभी सिमोन्स (नेदरल्यान्ड्स) टोटनहमका मिडफिल्डर जाभी सिमोन्सको सिजन अप्रिलमा वुल्भ्सविरुद्धको प्रिमियर लिग खेलमा अन्त्य भएको थियो। २३ वर्षीय सिमोन्सको दाहिने घुँडाको एसीएल च्यातिएपछि शल्यक्रिया गर्नु परेको थियो, जसका कारण उनी नेदरल्यान्ड्सको विश्वकप टोलीबाट बाहिरिएका छन्। रोड्रिगो (ब्राजिल) कार्लो एन्सेलोटीसँग पुनर्मिलन गर्न लागेका रोड्रिगो मार्च महिनामा गेटाफेबिरुद्धको खेलमा गम्भीर घाइते भएका थिए। रियल मड्रिडका यो विंगरको दाहिने घुँडाको एसीएल र मेनिस्कसमा चोट लागेपछि उनी विश्वकपबाट वञ्चित भएका छन्।
ह्युगो एकिटिके (फ्रान्स) ओलिभियर जिरुडले अन्तर्राष्ट्रिय फुटबलबाट सन्यास लिएकोपछि फ्रान्सको मुख्य स्ट्राइकर बन्ने अपेक्षा गरिएको ह्युगो एकिटिकेले च्याम्पियन्स लिगमा पिएसजीविरुद्ध खेल्दा एचिलिस टेन्डन च्यातिएपछि विश्वकप गुमाउनुपरेको छ। फर्मिन लोपेज (स्पेन) बार्सिलोनाबाट उत्कृष्ट सिजन बिताएका फर्मिन लोपेजले १३ गोल र १७ असिस्ट गरेका थिए। तर, रियल बेटिसविरुद्धको खेलमा दाहिने खुट्टाको पाँचौं मेटाटार्सल हड्डी भाँचिएपछि उनी विश्वकप टोलीमा समावेश हुन सकेनन्।
