रुद्रशक्ति ट्राभल्सले पूर्वी नेपालमा पहिलोपटक शौचालय सुविधा सहित अत्याधुनिक बस सेवा सञ्चालनमा ल्याएको छ। कम्पनीले काठमाडौँ–विराटनगर र काठमाडौँ–काकडभिट्टा रुटहरूमा दैनिक दुईतर्फी बस सेवा सञ्चालन गराउने जनाएको छ। यी बसहरूमा निःशुल्क वाइफाइ, वासरूम, एसी, मोबाइल चार्जिङ र सोफा सिटजस्ता आधुनिक सुविधाहरू उपलब्ध गराइएका छन्। २७ जेठ, काठमाडौँ।
लामो दूरीका यात्रुहरूलाई लक्षित गर्दै रुद्रशक्ति ट्राभल्सले पूर्वी भेगमा पहिलो पटक शौचालय (वासरूम) सुविधा सहितको अत्याधुनिक बस सेवा सञ्चालनमा ल्याएको हो। कम्पनीले काठमाडौँ–विराटनगर–काठमाडौँ तथा काठमाडौँ–काकडभिट्टा–काठमाडौँ रुटमा दैनिक दुईतर्फी बस सञ्चालन गर्ने जनाएको छ। यात्रुको सहजता र आरामलाई प्राथमिकतामा राखेर सञ्चालनमा ल्याइएको उक्त बसमा वासरूम सुविधा प्रदान गरिएको छ। विशेष गरी महिला, ज्येष्ठ नागरिक, अपाङ्गता भएका व्यक्ति तथा लामो दूरीका यात्रुहरूका लागि यो सेवा निकै उपयोगी हुने कम्पनीको विश्वास छ।
बसमा यात्रुलाई स्वागतस्वरूप रसुवा पानी र वेलकम स्न्याक्स दिइनेछ। साथै निःशुल्क वाइफाइ, एसी, मोबाइल चार्जिङ सुविधा, दुई बाई दुई सोफा सिट र ब्ल्याङ्केटको व्यवस्था गरिएको छ। रुद्रशक्ति ट्राभल्सका काठमाडौँ व्यवस्थापक उमेशराज भण्डारीले यात्रुलाई सुरक्षित, सहज र सुविधासम्पन्न यात्रा अनुभव गराउनु कम्पनीको मुख्य उद्देश्य रहेको बताएका छन्। कम्पनीका अर्का व्यवस्थापक श्याम थापाले आधुनिक सुविधा र गुणस्तरीय सेवामार्फत यात्रुको विश्वास जित्ने लक्ष्य सहित सेवा विस्तार गरिएको जानकारी दिएका छन्।
रुद्रशक्ति ट्राभल्सले यात्रुको आवश्यकतालाई केन्द्रमा राख्दै नेपाली यातायात क्षेत्रमा नयाँ अभ्यास सुरु गरेको जनाएको छ। वासरूमसहितको बस सेवाले विशेष गरी लामो दूरीका यात्रुहरूलाई थप सहज र आरामदायी यात्रा अनुभव दिने अपेक्षा गरिएको छ। बसको टिकट बुकिङ जोरपाटी, गौशाला, कोटेश्वर, कलङ्की लगायत रुद्रशक्ति यातायात प्रा. लि. का आधिकारिक टिकट काउन्टरहरूबाट गर्न सकिने कम्पनीले जनाएको छ।
