समाचार सारांश संपादकीय समीक्षा सहित। तेस्रो संस्करणको ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगिताको फाइनल वर्षाले रोकिएको छ। नेपाल पुलिस स्कुल र डीएभीबीचको खेल मङ्गलबार बिहान ७ बजेबाट पुनः सुरु गरिने आयोजकले जनाएको छ। काठमाडौँ जिल्ला क्रिकेट सङ्घले आयोजना गरेको प्रतियोगिताको विजेताले १ लाख ५० हजार र उपविजेताले ७५ हजार रुपैयाँ पुरस्कार पाउनेछन्। २६ जेठ, काठमाडौं।
तेस्रो संस्करणको एसियन ई–लर्निङ ‘जयकुमारनाथ शाह स्मृति’ यु–१६ इन्टरस्कुल क्रिकेट प्रतियोगिताको फाइनल वर्षाका कारण स्थगित भएको छ। माथिल्लो मुलपानी क्रिकेट मैदानमा टस जितेर पहिले ब्याटिङ गरेको नेपाल पुलिस स्कुलले निर्धारित २० ओभरमा ८ विकेट गुमाउँदै १०१ रन बनायो। पुलिसका लागि मोहम्मद अब्बास साफीले अविजित ३३ रन बनाए भने श्याम बाबु ठाकुरले १२ र आशुतोष मिश्रले १० रनको योगदान दिए। सुशील केडियाको नेतृत्वमा विश्व भारती स्कुल डीएभीका कमल शाहीले ४ ओभरमा ११ रन खर्चेर ४ विकेट लिए। कुञ्जन आचार्य र प्रसिद्ध जैशीले समान २–२ विकेट हात पारे।
१०२ रनको लक्ष्य पछ्याएको डीएभीले ४.१ ओभरमा २ विकेट गुमाएर १७ रन बनाएको अवस्थामा वर्षा रोकिएको थियो। डीएभीका आरुष झा ७ रनमा र बिराज जैसवाल शून्य रनमा अविजित छन्। प्रसिद्ध जैशी ६ र सत्यम बस्नेत २ रन बनाएर आउट भएका थिए। वर्षा नरोकिएपछि खेल मङ्गलबार बिहान ७ बजे सोही अवस्थामा पुनः सुरु गरिने आयोजकले जनाएका छन्। काठमाडौं जिल्ला क्रिकेट संघको आयोजनामा जेठ १९ बाट सुरु भएको प्रतियोगितामा २४ टोलीले भाग लिएका छन्। विजेताले १ लाख ५० हजार र उपविजेताले ७५ हजार रुपैयाँ पुरस्कार पाउनेछन्।
