२७ जेठ, काठमाडौं। राष्ट्रिय स्वतन्त्र पार्टी (रास्वपा) ले बागमती प्रदेशको निर्वाचन प्रक्रिया स्थगित गरेको छ। निर्वाचन समिति संयोजक सुमित्रा पण्डितले हालका लागि निर्वाचन कार्यक्रम स्थगित गरिएको जानकारी गराइन्। निर्वाचन कार्यक्रम स्थगित भएपछि अधिवेशनस्थल सुनसान बनेको छ। मतदाता नामावलीमा विवाद उठेपछिको कारणले निर्वाचन स्थगित गरिएको हो। २४ घण्टाभित्र अर्को सूचना जारी गरिने संयोजक पण्डितले बताएकी छन्।
निर्वाचन समितिले मंगलबार अव्यवस्थित रूपमा हस्तलिखित मतदाता नामावली प्रकाशित गरेको थियो। मंगलबारै मतदाता नामावली प्रकाशनमा प्रश्न उठे तापनि निर्वाचन समितिले उम्मेदवारी दर्ता प्रक्रिया अघि बढाएको थियो। प्रहरीले अधिवेशनमा उपस्थित प्रतिनिधिहरूलाई “तपाईंहरूको नेताहरू यहाँ हुनुहुन्न, जानुस्” भन्दै अधिवेशनस्थल खाली गराइसकेको छ।
