२७ जेठ, काठमाडौं। फिफा विश्वकप २०२६ अघि अन्तर्राष्ट्रिय मैत्रीपूर्ण खेलमा अर्जेन्टिनाले आइल्यान्डलाई ३-० को सहज पराजय दिएको छ। अमेरिकाको अलाबामास्थित जोर्डन हारे स्टेडियममा बुधबार बिहान सम्पन्न खेलमा अर्जेन्टिनाका कप्तान लिओनल मेसीले पनि गोल गर्न सफल भएका थिए। उनले दोस्रो हाफमा मैदान प्रवेश गर्दै पेनाल्टीबाट गोल गरेका थिए।
त्यसअघिको खेलमा भ्यालेन्टिन बार्कोले आठौं मिनेटमै गोल गर्दै अर्जेन्टिनालाई अग्रता दिलाएका थिए। दोस्रो हाफमा अर्जेन्टिनाले थप दुई गोल गर्दै सफल प्रदर्शन निकाल्यो। मेसीले ७२औं मिनेटमा पेनाल्टीबाट गोल गरे भने थियागो अल्माडाले ८७औं मिनेटमा गोल गर्दै अर्जेन्टिनाको जित सुनिश्चित गरे।
विश्वकपको पूर्व विजेता अर्जेन्टिनाले मैत्रीपूर्ण खेलहरुमा जितका साथ जून ११ देखि सुरु हुने फिफा विश्वकप २०२६ मा उपाधि रक्षा गर्न तयार रहेको संकेत दिएका छन्। फिफा विश्वकप २०२६ को समूह जे मा रहेको अर्जेन्टिनाले आफ्नो पहिलो खेल १६ जुनमा अल्जेरियासँग खेल्नेछ।
सम्बन्धित खबर
