फाइल तस्वीर २७ जेठ, काठमाडौं। संसद् अवरोध अन्त्य गर्न रास्वपा सभापति रवि लामिछानेले बोलाएको सर्वदलीय बैठक सिंहदरबारमा जारी छ। संसद् कार्यव्यवस्थाको हलमा वर्तमानमा बैठक चलिरहेको छ। सदनमा प्रतिनिधित्व गर्ने सबै दलका नेता र प्रमुख सचेतकहरू यस छलफलमा सहभागी छन्। प्रधानमन्त्री बालेन शाहको सीमा विवादसम्बन्धी अभिव्यक्तिबाट उत्पन्न विवादका कारण विपक्षी दलहरूले संसद् अवरुद्ध गर्दै आएका थिए। छलफलमा नेपाली कांग्रेसका भीष्मराज आङ्देम्बे, नेकपा एमालेका रामबहादुर थापा, नेपाली कम्युनिस्ट पार्टीका वर्षमान पुन लगायत नेताहरू सहभागी छन्। यसअघि २५ जेठमा पनि लामिछानेले रास्वपा नेतृत्वको सरकारको कामकारबाही र भारत भ्रमण सम्बन्धमा विपक्षी दलका नेताहरूसँग छलफल गरेका थिए।
