समाचार अनुसार, संखुवासभाबाट धरानतर्फ जाँदै गरेको बस धनकुटा जिल्लाको च्याङच्याङबारीमा दुर्घटना हुँदा ११ जना यात्रु घाइते भएका छन्। दुर्घटनापछि कोशी राजमार्गको धनकुटा–मुलघाट खण्ड एकतर्फी सञ्चालनमा आएको छ। घाइतेहरूको उद्धार गरी उपचारका लागि स्थानीय मेडिकलमा पठाइएको छ, प्रहरी नायब उपरीक्षक हेमन्त भण्डारी क्षेत्रीले जानकारी दिएका छन्। २९ जेठ, धनकुटा।
धनकुटामा बस पल्टिँदा ११ जना यात्रु घाइते भएका छन्। कोशी राजमार्गअन्तर्गत धनकुटा नगरपालिका–९, च्याङच्याङबारीमा मूलघाट नजिकै बस दुर्घटना भएको हो। संखुवासभाबाट सुनसरीको धरानतर्फ जाँदै गरेको को १ ख ७७८८ नम्बरको बस अनियन्त्रित भएर सडकमा पल्टिएको प्रहरीले जनाएको छ। बस सडकमा पल्टिएपछि अवरुद्ध बनेको कोशी राजमार्गको धनकुटा–मुलघाट खण्ड एकतर्फी रूपमा सञ्चालनमा आएको छ। धनकुटाका प्रहरी नायब उपरीक्षक हेमन्त भण्डारी क्षेत्रीका अनुसार बसमा १५ जना यात्रु सवार थिए। घाइतेहरूको उद्धार गरी उपचारका लागि स्थानीय मेडिकलमा पठाइएको उनले बताए।
