इजरायली सेनाले लेबनानका थप २० वटा सहर र गाउँका बासिन्दालाई तत्काल आफ्नो घर छोडेर सुरक्षित स्थानतर्फ जान आदेश जारी गरेको छ। ३० जेठ, काठमाडौं। लेबनानमा जारी सैन्य कारबाही तीव्र पार्दै इजरायणले ती क्षेत्रका बासिन्दाहरुलाई जबरजस्ती विस्थापनको चेतावनी दिएको छ।
इजरायलको नयाँ आदेश अनुसार अल-जहरानी, अल-नामिरिया, अल-शार्किया, अल-देवैर, हारुफ, हब्बौस, कफरजोज, जिबदिन (नबातिया), नबातिया अल-ताहता, नबातिया अल-फाउका र कफर रुमान क्षेत्रमा लागू हुनेछ। त्यस्तै, अल-माहमूदिया, साजेद (जेज्जिन), रेहान, रामता, कफरचौबा, मल्की, अल-लाविजा (जेज्जिन), जारजौह र अरब सलिमका नागरिकलाई पनि तत्काल घर छाड्न भनिएको छ।
इजरायली सेनाले स्थानीय बासिन्दालाई आफ्ना घरहरू तुरुन्त खाली गरी ‘जहरानी नदीको उत्तरी क्षेत्र’तर्फ जान निर्देशन दिएको छ। निर्देशनको पालना नगरेमा ठूलो मानवीय क्षति हुन सक्ने चेतावनी समेत दिएको छ। इरानले हर्मुज जलमार्ग बन्द गरेपछि मध्यपूर्वमा तनाव उत्कर्षमा पुगिरहेकै बेला, इजरायलले लेबनानमा आफ्ना स्थल तथा हवाई आक्रमणको विस्तार गरेको छ।
