नेपाली राष्ट्रिय क्रिकेट टोलीले आगामी अगस्ट २० देखि ३० सम्म अस्ट्रेलियाको डार्विनमा आयोजना हुने टप एन्ड टी–२० सिरिजमा भाग लिने भएको छ। नेपाल क्रिकेट संघ (क्यान)ले यस प्रतियोगितामा नेपाली राष्ट्रिय क्रिकेट टोलीको सहभागिता पक्का भएको जनाएको छ। यस संस्करणको प्रतियोगितामा सहभागी हुने पहिलो टोली नेपाल हो भने अन्य टोलीहरूको घोषणा अझै हुन बाँकी छ।
अघिल्लो संस्करणको खेलमा नेपालले लिग चरणका ६ मध्ये २ मात्र खेल जितेर ४ अंकसहित आठौ स्थानमा सीमित भएको थियो। यस पटक नेपाली टोलीले राम्रो प्रदर्शन गर्ने अपेक्षा गरिएको छ।
