नेपाली कांग्रेसका नेता डा. शेखर कोइरालाले कांग्रेस भित्र निरंकुशता सुरु भइरहेको बताएका छन्। उनले नेपाली कांग्रेसले बीपी कोइरालाले प्रतिपादन गरेको राष्ट्रिय एकता र मेलमिलापको नीतिबाट अगाडि बढ्नु पर्ने आवश्यकता औँल्याए। ३१ जेठ, काठमाडौं।
कोइरालाले लोकतन्त्रको स्थापना र निरंकुशताको अन्त्यका लागि स्थापना भएको कांग्रेस पार्टी भित्र निरंकुशताको वृद्धि भइरहेको बताए। उनले वर्तमानमा लोकतन्त्र इतिहासकै कमजोर अवस्थामा पुगेको भन्दै २०३३ सालमा बीपी कोइरालाले लिएको राष्ट्रिय एकता र मेलमिलापको नीतिको आवश्यकता अझ बढेको उल्लेख गरे।
कोइरालाले भने, “नेपालको राष्ट्रियता, सार्वभौमिकता, अखण्डता र प्रजातन्त्रलाई बलियो बनाउन नेपालका सबै शक्ति बीच सहकार्य र एकता आवश्यक छ।” विराटनगरमा आयोजित कोशी प्रदेशस्तरीय भेलामा सम्बोधन गर्दै उनले गगन थापासँगको कुराकानीमा आफूले राखेका पाँचवटा मुद्दा स्वीकार गरिएको जानकारी दिए।
गगन थापाले पार्टी का साथीहरूलाई कारबाहीको धम्की दिएपछि कोइरालाले सार्वजनिक गरेका ५ बुँदाबारे चर्चा गर्दै उनले सहमतिविना कांग्रेस पार्टी अगाडि बढ्न नसक्ने बताउनुभयो। उनले भने, “गिरिजाप्रसाद कोइरालाले भनेको सहमति, सहकार्य र एकता मार्फतै हामी अघि बढ्नुपर्छ।” कोइरालाले कुनै हालतमा पार्टी फुट्न नदिने प्रतिबद्धता पनि व्यक्त गरे।
