फिफा विश्वकप २०२६ को समूह एफमा स्वीडेनले ट्युनिसिया विरुद्ध पहिलो हाफमा २-१ को अग्रता लिएको छ। स्वीडेनका यासिन अयारीले ७औं मिनेटमा गोल गर्दै टोलीलाई अग्रता दिलाएका थिए। अलेज्यान्डर इसाकले ३०औं मिनेटमा गोल गर्दै स्वीडेनको अग्रता दोब्बर पारे। ट्युनिसियाका ओमार रेकिकले ४३औं मिनेटमा गोल फर्काएपछि पहिलो हाफ २-१ को स्थितिमा सकिएको छ।
१ असार, काठमाडौं। मेक्सिकोको मोन्टेरे स्टेडियममा भइरहेको समूह एफको खेलमा स्वीडेनले ट्युनिसिया विरुद्ध पहिलो हाफमा २-१ को अग्रता बनाएको छ। यासिन अयारीले खेलको सातौं मिनेटमै गोल गर्दै स्वीडेनलाई अग्रता दिलाएका थिए। ट्युनिसियन बाबु र मोरक्कन आमाबाट स्वीडेनमा जन्मेका अयारीले गोलको सेलेब्रेसन भने गरेनन्।
अलेज्यान्डर इसाकले ३०औं मिनेटमा उत्कृष्ट गोल गर्दै स्वीडेनको अग्रता दोब्बर पारे। भिक्टर ग्योकेरेले मध्यभागमा दिएको पासमा इसाकले बल एक्लै अगाडि बढाउँदै ट्युनिसियाका डिफेन्डरलाई छली गर्दै उत्कृष्ट गोल गरे। तर ट्युनिसियाले पहिलो हाफमै गोल फर्काएर खेलमा फर्कने प्रयास गरेको छ। ट्युनिसियाका लागि ओमार रेकिकले ४३औं मिनेटमा गोल गरेका हुन्। हानीबल मेज्बरीको क्रसमा रेकिकले हेडमार्फत गोल गरेका छन्।
