मेसीको ऐतिहासिक खेलका लागि अर्जेन्टिनाको तयारी

२ असार, काठमाडौं । साविक विजेता अर्जेन्टिनाले फिफा विश्वकप २०२६ को पहिलो खेलमा अल्जेरियासँग प्रतिस्पर्धा गर्दा विश्वव्यापी ध्यान सुपरस्टार लियोनल मेसीमा केन्द्रित हुनेछ। किन नहोस् र मेसी अहिलेको विश्वकप फुटबलका उत्कृष्ट खेलाडी हुनुहुन्छ। ३६ वर्षपछि अर्जेन्टिनालाई विश्वकप उपाधि दिलाउने टिमका कप्तान हुनुको साथै उनी मैदानमा जादुगर जस्तै प्रदर्शन गर्नुहुन्छ। अल्जेरिया विरुद्धको खेलमा मेसीले नयाँ कीर्तिमान स्थापना गर्ने छन्। उनले लगातार छैटौं पटक फिफा विश्वकपमा खेल्ने विश्वकै पहिलो फुटबलर बन्नेछन्। यसका साथै विश्वकपमा सर्वाधिक २६ खेल खेल्ने कीर्तिमान पनि मेसीकै नाममा छ र अल्जेरियाविरुद्धको खेल उनी क्यारियरको २७औं विश्वकप खेल हुनेछ।

त्यस्तै, मेसीलार्इ व्यक्तिगत रूपमा अर्को उपलब्धि हासिल गर्ने अवसर पनि छ। अल्जेरिया विरुद्धको खेल उनका लागि अर्जेन्टिनाको लागि २००ौं अन्तर्राष्ट्रिय खेल हुनेछ र ला अल्बिसेलेस्टेका लागि २०० खेल खेल्ने पहिलो खेलाडी बन्नेछन्। पछिल्ला समय ह्याम्स्ट्रिङमा देखिएका समस्याका कारण मेसीले मैत्रीपूर्ण खेलहरूमा कम समय खेलेका थिए र विश्वकपमा पूर्ण बल दिइरहन प्राथमिकता दिइएको छ। विश्वकपअघि आइल्यान्ड विरुद्ध मैत्रीपूर्ण खेलमा उनले दोस्रो हाफमा प्रवेश गरी गोल पनि गरेका थिए। मेसीको कप्तानीमा रहेको अर्जेन्टिना पुनः एकपटक विश्वकप उपाधि जित्ने उद्देश्यका साथ अमेरिकामा पुगेको छ र अल्जेरिया विरुद्ध जाँदा सुखद शुरुवात गर्दै उपाधि अभियान सुरु गर्ने छ। समूह जे मा रहेका अर्जेन्टिना र अल्जेरियाबीचको खेल नेपाली समयअनुसार मंगलबार बिहान ६:४५ बजे हुनेछ।

विश्व च्याम्पियन अर्जेन्टिना यसपटक विश्वकपमा शीर्ष वरीयतामा रहेको छ। अल्जेरिया २८औं स्थानमा रहेको छ। यसको अलावा अर्जेन्टिना इटाली र ब्राजिल पछि लगातार विश्वकप जित्ने विश्वकै तेस्रो राष्ट्र बन्ने लक्ष्यमा छ। चार वर्षअगाडि कतारमा विश्वकप उपाधि जित्दै ३६ वर्षको खडेरी तोडेको थियो। तर सो संस्करणमा पहिलो खेलमै एसियाली देश साउदी अरेबियासँग अप्रत्याशित हार बेहोरेको थियो। त्यो हार अर्जेन्टिनाका लागि महत्वपूर्ण पाठ बनेको थियो र त्यसपछि बाँकी सबै खेल जित्दै च्याम्पियन बन्दै उपाधि पाए। त्यसैले अल्जेरिया विरुद्ध पहिलो खेल गर्दा अर्जेन्टिनाले यसलाई असाधारण रूपमा लिन छाड्ने छैन।