२ असार, काठमाडौं । नेपाल स्टक एक्स्चेन्ज (नेप्से) को अध्यक्षमा अर्थ मन्त्रालयका सहसचिव अमृत लम्साल नियुक्त भएका छन्। वैशाख १५ पछि अध्यक्षविहीन रहेको नेप्सेमा अर्थमन्त्री स्वर्णिम वाग्लेको सिफारिसमा लम्साललाई सो जिम्मेवारी दिइएको हो। हाल लम्साल नेपाल रिइन्स्योरेन्स कम्पनीका अध्यक्ष पनि रहेका छन्। साथै उनी नेपाल बैंकको सञ्चालक समितिमा सरकार प्रतिनिधि भएर कार्यरत छन्।
