अमेरिकाको कान्सास सिटी रंगशालामा बुधबार बिहान भएको खेलमा अल्जेरियालाई ३–० ले पराजित गर्दै अर्जेन्टिनाले शानदार सुरुवात गरेको छ। ३ असार, काठमाडौं। कप्तान लियोनल मेस्सीको ह्याट्रिकमा साविक विजेता अर्जेन्टिनाले फिफा विश्वकप २०२६ मा उत्कृष्ट शुरुवात गरेको हो। मेस्सीले खेलको १७औं, ६०औं र ७६औं मिनेटमा गोल गर्दै ह्याट्रिक पूरा गरेका हुन्।
खेलको सुरुवातमै मेस्सीले एक गोल गरे पनि अफसाइडका कारण मान्यता पाएको थिएन। त्यस्तै अफसाइडका कारण अल्जेरियाका एक खेलाडीले गरेको गोल पनि मान्यता पाएको थिएन। यस जितसँगै अर्जेन्टिनाले ३ अंक जोड्दै समूह जे मा शीर्ष स्थानमा रहेको छ। मेस्सीले विश्वकपमा १६ गोल गर्दै जर्मनीका मिरोस्लाव क्लोजको नाममा रहेको कीर्तिमान बराबरी गरेका छन्।
मेस्सीले विश्वकपमा ह्याट्रिक गर्ने सबैभन्दा वृद्ध खेलाडीको कीर्तिमान समेत बनाएका छन्। यसअघि पोर्चुगलका क्रिस्टियानो रोनाल्डोले ३३ वर्ष १३० दिनको उमेरमा ह्याट्रिक गरेका थिए। मेस्सीले अल्जेरिया विरुद्ध विश्वकपमा ह्याट्रिक गर्दा उनी ३८ वर्ष ३५७ दिनका थिए। सन् २००६ मा विश्वकपमा डेब्यु गरेका मेस्सीले अल्जेरिया विरुद्ध खेल्दै छैटौं विश्वकपमा हिस्सा लिने पहिलो खेलाडी बनेका छन्।
अर्जेन्टिनाले यसअघिका पाँचौ विश्वकपहरूमा लगातार असिस्ट गर्दै पाँच विश्वकपमा असिस्ट गरेको कीर्तिमान पनि कायम गरेको छ। चार वर्षअघि कतारमा मेस्सीले आफ्नो कप्तानीमा अर्जेन्टिनालाई विश्वकप उपाधि जिताएका थिए। अल्जेरिया विरुद्धको यो खेल मेस्सीको विश्वकपमा २७ औं खेल हो।
