ट्रम्पको चेतावनी- इरानसँगको सम्झौता अन्तिम होइन, उचित व्यवहार नभए फेरि बम आक्रमण गरिने

३ असार, काठमाडौं । अमेरिकी राष्ट्रपति डोनाल्ड ट्रम्पले इरानसँग भएको सम्झौतामा पुगेको सहमति अन्तिम नभएको बताएका छन् । जी–७ शिखर सम्मेलनमा बोल्दै उनले यस्तो बताएका हुन् । ‘यदि ऊ (इरान) ठीक तरिकाले व्यवहार गरेन भने हामी फेरि सिधै उसकै टाउकोमाथि बम प्रहार गर्नेछौं,’ ट्रम्पले स्पष्ट पारे ।

मंगलबार मात्र उनले इरानसँगको सम्झौताअनुसार अब कहिल्यै परमाणु हतियार नहुने दाबी गरेका थिए । यसअघि पाकिस्तानसहितका देशहरूको मध्यस्थतामा अमेरिका र इरानबीच जारी युद्ध रोक्ने सहमति प्राप्त भएको थियो । त्यसअनुसार शुक्रबार स्वीट्जरल्यान्डमा दुई देशबीच सम्झौतामा हस्ताक्षर गरिने तय भएको छ ।