४ असार, काठमाडौं । इन्जुरी टाइममा गरेको गोलको मदतले घानाले फिफा विश्वकप २०२६ मा पानामालाई १-० ले हराउँदै विजयी सुरुवात गरेको छ। क्यानडाको टोरन्टो स्टेडियममा बिहीबार सम्पन्न समूह एलको खेलमा कालेब यिरेन्कीले निर्णायक गोल गरे। खेलको दोस्रो हाफको इन्जुरी टाइमको पाँचौं मिनेटमा यिरेन्कीले गोल गरेका हुन्। यस जितपछि घानाले ३ अंक जोड्दै विश्वकपको शुरुवात राम्रो बनाएको छ। इंग्ल्यान्ड र क्रोएसिया जस्ता टिम यस समूहमा जित हासिल गरेपछि घानाले नकआउट चरणमा पुग्ने सम्भावना पनि बलियो बनाएको छ। अघि भएको खेलमा इंग्ल्यान्डले क्रोएसियालाई ४-२ ले पराजित गरेको थियो।
