राजमार्गमा विमान दुर्घटना, बेल्चा र घन प्रयोग गरी फसेका यात्रुहरूको उद्धार
संयुक्त राज्य अमेरिकाको टेक्सस राज्यमा १६ जुन, मङ्गलवार एउटा यात्रुवाहक निजी विमान दुर्घटनामा परेपछि विमानभित्र छ जना फसेका थिए। राजमार्गमा विमान दुर्घटनामा परेको देखेपछि करिब एक दर्जन सर्वसाधारण र उद्धारकर्मीहरू घटनास्थलतर्फ दौडिएका थिए। विमानभित्र फसेका मानिसहरूलाई बाहिर निकाल्न उनीहरूले बेल्चा र घनजस्ता औजारको प्रयोग गरेका थिए।
विमानमा सवार छ जना मानिसमध्ये एक जनाको मृत्यु भएको प्रहरीले जनाएको छ। जीवित उद्धार गरिएका अन्य पाँच जनालाई अस्पताल लगिएको छ। प्रहरीले उनीहरूको अवस्था स्थिर रहेको जानकारी दिएको छ।
