३ असार, काठमाडौं । इंग्ल्यान्डले फिफा विश्वकप २०२६ को आफ्नै पहिलो खेलमा क्रोएसियाविरुद्ध अग्रता हासिल गरेको छ । कप्तान ह्यारी केनले १२औं मिनेटमा पेनाल्टीमा गोल गर्दे इंग्ल्यान्डलाई अगाडि ल्याएका छन् । केनले शुरुमा प्रहार गरेको पेनाल्टी क्रोएसियाका गोलकिपर डोमिनिक लिभाकोभिचले बचाएका थिए । तर, केनले बल प्रहार गर्नुअघि नै लिभाकोभिक अगाडि बढेको देखिएपछि पुन: पेनाल्टी दिइएको थियो । यस पटक केनले कुनै गल्ती नगरी गोल गर्न सफल भए । क्रोएसियाका कप्तान लुका मोडरिकले नोनी मोदुएकेलाई फल गरेपछि इंग्ल्यान्डले पेनाल्टी पाएको थियो । विश्वकपमा केनको यो नवौँ गोल हो । फिफा विश्वकपमा इंग्ल्यान्डका लागि ग्यारी लिनेकरले सर्वाधिक १० गोल गरेका छन् । लिनेकरसँग बराबरी गर्न केन अब एक गोल मात्र टाढा छन् ।
