अमेरिकी राष्ट्रपति डोनाल्ड ट्रम्पका विशेष वार्ताकारहरू स्टिभ विटकफ र जारेड कुश्नर छिट्टै रुस भ्रमणमा जाने योजना बनाएका छन्। यस भ्रमणको मुख्य उद्देश्य युक्रेन युद्धको समाधान तथा शान्ति वार्ताको विषयमा छलफल गर्नु रहेको रुसी अधिकारीहरूले बताएका छन्। वासिङ्टन र मस्कोबीच भइरहेका निरन्तर संवादप्रति युरोपेली देशहरू र बेलायतले कडा आलोचना जनाएका छन्।
रुसी प्रत्यक्ष लगानी कोषका प्रमुख कार्यकारी अधिकृत किरिल दिमित्रिएभले यस कुराको पुष्टि गरेका छन्। उनले भने कि भ्रमणको निश्चित मिति तोकिएको छैन, तर दुई देशबीचको संवाद निरन्तर जारी रहेको छ। स्रोतका अनुसार, अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिनबीच हालै सकारात्मक संवाद भएको छ।
वासिङ्टन र मस्कोबीच भइरहेको निरन्तर संवादलाई लिएर युरोपेली देशहरू र बेलायत निकै आक्रोशित भएका छन्। रुसी अधिकारी दिमित्रिएभका अनुसार, अमेरिकी प्रतिनिधिहरूको मस्को भ्रमणको औपचारिक मिति क्रेमलिनले चाँडै घोषणा गर्नेछ। यसअघि, जुन १६ मा रुसी राष्ट्रपतिको सहयोगी युरी उशाकोभले पनि यस विषयमा जानकारी दिएका थिए। अमेरिकासँगको सम्झौता (एमओयू) मा हस्ताक्षर भएपछि अमेरिकी टोली मस्को आउने उनको भनाइ थियो।
सम्बन्धित खबर
