टोखाको बसुन्धरास्थित श्री चन्द्रविन्दु इन्टरनेसनल बोर्डिङ स्कुलको आयोजनामा शनिबारदेखि १०औं स्किब्स थ्री बाइ थ्री बास्केटबल प्रतियोगिता सुरु हुँदैछ। प्रतियोगितामा ३३ विद्यालयका ४८ टोलीहरूले प्रतिस्पर्धा गर्नेछन् र यसका लागि करिब १ लाख ५० हजार रुपैयाँ खर्च आउने आयोजकले बताए। दुई दिनसम्म चल्ने उक्त प्रतियोगितामा सिनियर ब्वाइज, जुनियर ब्वाइज र गल्र्स समूहका खेलहरू आयोजना गरिनेछन्।
श्री चन्द्रविन्दु इन्टरनेसनल बोर्डिङ स्कुल (स्किब्स) का प्रिन्सिपल अरुणकुमार केसीले शुक्रबार पत्रकार सम्मेलनमा जानकारी दिएका छन् कि प्रतियोगितामा सिनियर ब्वाइजमा २४ तथा जुनियर ब्वाइज र गल्र्समा समान १२–१२ टोली सहभागी हुनेछन्। सिनियर ब्वाइजमा टीआईए, जुनियर ब्वाइजमा पारामाउन्ट एकेडेमी र गल्र्समा भ्याली पब्लिक डिफेन्डिङ यस प्रतियोगिताका च्याम्पियन हुन्।
प्रतियोगिता सञ्चालन गर्न करिव १ लाख ५० हजार रुपैयाँ खर्च लाग्ने प्रतियोगिता संयोजक सागर शर्माले बताएका छन्। पहिलो दिन सिनियर ब्वाइजमा प्रिक्वाटरफाइनल तथा जुनियर ब्वाइज र गल्र्समा क्वाटरफाइनल चरणसम्मका खेलहरू सम्पन्न हुने बताएको छ स्किब्सका बास्केटबल प्रशिक्षक सञ्जय प्रजापतिले। दुई दिनसम्म चल्ने प्रतिस्पर्धाका खेलहरू टोखा नगरपालिका वडा नम्बर ५, बसुन्धरास्थित आयोजकको कोर्टमा खेलाइनेछ।
