इरानी राष्ट्रपति पेजेस्कियानले वार्ताको प्रभावकारिता प्रतिबद्धताको कार्यान्वयनमा निर्भर हुने बताए

९ असार, काठमाडौं । इरानी राष्ट्रपति मसुद पेजेस्कियानले वार्ता सफल हुनका लागि प्रतिबद्धता सही तरिकाले कार्यान्वयन हुनुपर्ने बताएका छन् । मंगलबार पाकिस्तान भ्रमणका लागि तयारी गरिरहेका राष्ट्रपति पेजेस्कियानले एक्समार्फत आफ्ना अभिव्यक्तिहरू सार्वजनिक गर्दै भने कि, ‘वार्ताको प्रभावकारिता सहमति गरिएका विषयहरूको पूर्ण प्रतिबद्धता र तिनको यथार्थ कार्यान्वयनमा निर्भर हुन्छ । यस मार्गमा भएका प्रगतिको मूल्याङ्कन स्वीकार गरिएका जिम्मेवारीहरूको व्यवहारिक पालना हुँदै गरिन्छ ।’ उनले थपे, ‘सहमति गरिएका विषयभन्दा बाहिरको बयानबाजीले वार्तालाई अघि बढाउन सहयोग गर्दैन ।’

यो भनाइ विशेष गरी अमेरिकी राष्ट्रपति डोनाल्ड ट्रम्प र अन्य अमेरिकी अधिकारीहरूलाई लक्षित गरिएको बुझ्न सकिन्छ।

यसअघि सोमबार स्विट्जरल्यान्डमा पाकिस्तानको मध्यस्थतामा अमेरिका र इरानबीच पहिलो चरणको वार्ता सम्पन्न भएको थियो, जुन सफल रहेको पाकिस्तानी प्रधानमन्त्री शहबाज सरिफले प्रतिक्रिया दिएका थिए।

त्यस्तै, इरानी राष्ट्रपति पेजेस्कियान मंगलबार पाकिस्तान पुग्ने कार्यक्रम छन्। उनी त्यहाँ पाकिस्तानी समकक्षी आसिफ अली जरदारी र प्रधानमन्त्री शहबाज सरिफसँग भेटघाट गर्ने बताइएको छ।