क्रिस्टियानो रोनाल्डोले पहिलो हाफमै दुई गोल गर्दै पोर्चुगललाई ३-० को शानदार अग्रता दिलाएका छन्। ९ असार, काठमाडौं। फिफा विश्वकप २०२६ अन्तर्गत उज्बेकिस्तानविरुद्ध भइरहेको खेलमा रोनाल्डोले उत्कृष्ट प्रदर्शन गर्दै पहिलो हाफमै दुई गोल गरेका छन्। समूह के अन्तर्गत अमेरिका, ह्युस्टनमा भइरहेको खेलमा उनले पोर्चुगललाई ३-० को अग्रता दिलाएका छन्।
खेलको छैटौं मिनेटमा रोनाल्डोले पहिलो गोल गर्दै आफ्नो टिमलाई अग्रता दिलाएका थिए। यस गोलसँगै उनले लगातार ६ संस्करणको विश्वकपमा गोल गर्ने विश्व कीर्तिमान कायम गरेका छन्। यसअघि समूहको पहिलो खेलमा डिआर कंगोसँग गोल गर्न असफल भएका रोनाल्डोले यस खेलमा सुरुमै ऐतिहासिक गोल गरे। सन् २००६ देखि २०२६ सम्म ६ वटा विश्वकपमा गोल गर्दै उनले विश्व फुटबलमा आफ्नो नाम चम्काएका छन्।
१७औं मिनेटमा नुनो मेन्डेजले गोल गर्दै पोर्चुगलको अग्रतालाई दोब्बर पारेका थिए। ३९औं मिनेटमा रोनाल्डोले व्यक्तिगत दोस्रो गोल गरे। यससँगै उनको विश्वकप करियरमा कुल गोल संख्या १० पुगेको छ। यो दोस्रो पटक हो जब उनले एउटै विश्वकप संस्करणमा एकभन्दा बढी गोल गरेका छन्। सन् २००६ को डेब्यु विश्वकपमा १ गोल गरेका रोनाल्डोले २०१० र २०१४ का संस्करणमा क्रमशः १-१ गोल गरे। २०१८ मा स्पेनविरुद्ध ४ गोल गर्दै ह्याट्रिक पनि पूरा गरेका थिए। सन् २०२२ मा पनि १ गोल गरेका उनी अहिले जारी विश्वकपमा पनि १ गोल गरिसकेका छन्।
