क्यानडाको भ्यानकुभरस्थित बिसी प्लेस स्टेडियममा भएको खेलमा स्विट्जरल्यान्डसँग पराजित भए तापनि घरेलु टोलीले विश्वकपको नकआउट चरणमा प्रवेश गर्न सफल भएको छ। ११ असार, काठमाडौं। क्यानडा पहिलोपटक फिफा विश्वकपको नकआउट चरणमा प्रवेश गरेको छ। भ्यानकुभरमा भएको खेलमा स्विट्जरल्यान्डसँग पराजित भए तापनि घरेलु टोलीले विश्वकपको नकआउट चरणमा आफ्नो स्थान सुरक्षित गरेको हो। समूह ‘बी’ बाट स्विट्जरल्यान्ड विजेता बनेको छ भने क्यानडा उपविजेता भएर नकआउट चरणमा प्रवेश गरेको छ। क्यानडा र बोस्निया एन्ड हर्जगोभिनाले समान अंक जोडेको भए पनि गोलअन्तरको आधारमा क्यानडा दोस्रो र बोस्निया तेस्रो स्थानमा रहँदै नकआउट चरणमा स्थान कायम राखेको छ। बोस्निया एन्ड हर्जगोभिनाले पनि नकआउट चरणमा पुग्ने सम्भावना राखेको छ। सन् १९८६ र २०२२ मा विश्वकप खेल्दै गर्दा क्यानडा ती दुवै पटक समूह चरणमै बाहिरिएको थियो। यसपटक घरेलु मैदानमा नकआउट चरणमा पुग्नु ठूलो उपलब्धि मानिन्छ। क्यानडा यसपटकको विश्वकपको सहआयोजक समेत हो। यसैगरी, तीनवटै सहआयोजक राष्ट्रहरू – क्यानडा, अमेरिका र मेक्सिको – नकआउट चरणमा प्रवेश गरिसकेका छन्। अमेरिका र मेक्सिकोले भने पहिले नै नकआउट चरणमा स्थान सुरक्षित गरिसकेका थिए।
