डेम्बेलेले ३२ औं मिनेटमा व्यक्तिगत तेस्रो गोल गर्दै ह्याट्रिक पूरा गरेका छन्। १३ असार, काठमाडौं। फिफा विश्वकप २०२६ अन्तर्गत फ्रान्स र नर्वेबीचको खेलमा ओस्मान डेम्बेलेले ह्याट्रिक गरेका छन्। डेम्बेलेको ह्याट्रिककै भरमा फ्रान्सले ३–१ को अग्रता लिएको छ। उनले खेलको सातौँ मिनेटमा पहिलो गोल गर्दै फ्रान्सलाई अग्रता दिलाएका थिए। त्यसपछि २० औं मिनेटमा फेरि अर्को गोल गर्दै फ्रान्सलाई २–० ले अघि बढाएका थिए। २१ औं मिनेटमा नर्वेका थेलो आसगार्डले गोल गर्दै टोलीको खाता खोले। यस खेलमा डेम्बेलेले ३२ औं मिनेटमा व्यक्तिगत तेस्रो गोल गर्दै ह्याट्रिक पूरा गरे। यो विश्वकपमा डेम्बेलेको यो तेस्रो ह्याट्रिक हो। यसअघि अर्जेन्टिनाका कप्तान लियोनेल मेस्सी र क्यानडाका जोनाथन डेभिडले पनि यसरी ह्याट्रिक गरेका छन्।
