जुलियो इनसिसोले ४२औं मिनेटमा गोल गर्दै पाराग्वेलाई अग्रता दिलाएका छन्। अमेरिकाको बोस्टन स्टेडियममा भइरहेको विश्वकप २०२६ अन्तर्गत खेलमा पाराग्वेले जर्मनीलाई पहिलो अग्रता दिएको छ। खेलको ४२औं मिनेटमा जुलियो इनसिसोले माथियस गालार्जाको पासमा गोल गर्दै पाराग्वेलाई अग्रता दिलाएका हुन्।
१६ असार, काठमाडौं। पिफा विश्वकप २०२६ अन्तर्गत राउण्ड अफ ३२ को खेलमा पाराग्वेले जर्मनी विरुद्ध पहिलो अग्रता हासिल गरेको छ। अमेरिकाको बोस्टन स्टेडियममा जारी खेलमा जुलियो इनसिसोले ४२औं मिनेटमा गोल गर्दै पाराग्वेलाई अग्रता दिलाएका छन्। विश्वकपको नकआउट चरणमा पाराग्वेको यो पहिलो गोल पनि हो। यसअघि पाँच पटक नकआउट खेलमा पाराग्वेले गोल गर्न सकेको थिएन।
पहिलो हाफमा पाराग्वेले अग्रता कायम गरेर चार पटक नकआउट विजेता जर्मनीलाई दबाबमा राखेको छ। सन् २०१४ मा ब्राजिलमा भएको विश्वकप उपाधि जितेपछि जर्मनी पहिलो पटक विश्वकपमा नकआउट चरण खेलिरहेको छ। पछिल्ला दुई संस्करणमा भने जर्मनी समूह चरणमै बाहिरिएको थियो।
