अमेरिकाको २५०औँ स्वतन्त्रता दिवसको अवसरमा युट्युबले विशेष फिचर, अन्तरक्रियात्मक गेम्स र ‘अमेरिका २५० हब’ सार्वजनिक गरेको छ। नयाँ हब मार्फत प्रयोगकर्ताले उत्सवसँग सम्बन्धित भिडियो, परिकारको रेसिपी, पहिरन र सजावटका उपायहरू सजिलै खोज्न सक्नेछन्। युट्युबले थपेका नयाँ गेमहरूमा प्रयोगकर्ताले परिकारको र्याङ्किङ गर्ने संगै भर्चुअल पटाका पड्काउने र राष्ट्रिय निकुञ्जहरूमा रंग भर्ने सुविधा पाउनेछन्। १७ असार, काठमाडौं।
युट्युबले यस सप्ताहान्त अमेरिकाको २५०औँ स्वतन्त्रता दिवसको उत्सव मनाउनका लागि विभिन्न नयाँ फिचरहरू घोषणा गरेको छ। यस अन्तर्गत अमेरिका २५० सम्बन्धी सामग्रीहरूको लागि एउटा केन्द्रीय हब, नयाँ गेम्हरू र विशेष प्रभावहरू समावेश गरिएका छन्। पहिलो फिचर अन्तर्गत युट्युबले ‘अमेरिका २५० हब’ तयार पारेको छ। यस हबमा उत्सवसँग सम्बन्धित सामग्री खोज्ने प्रयोगकर्ताहरूलाई यो हब देखाइनेछ। यसले ऐतिहासिक अवसरका लागि सिफारिस गरिएका भिडियो र लाइभ स्ट्रिमहरूको एकीकृत अवलोकन उपलब्ध गराउनेछ।
युट्युबले प्रयोगकर्ताहरूलाई उत्सवका लागि आवश्यक सबै प्रकारका प्रेरणादायी सामग्रीहरू खोज्न सहयोग गर्ने बताएको छ। यसमा परिकारका रेसिपी आइडिया, आउटफिट प्रेरणा (पहिरनको डिजाइन) र आफैं बनाउने ‘डीआईवाई’ अमेरिकी सजावटका उपायहरू समावेश छन्। साथै युट्युबले यस उत्सवलाई अझ रमाइलो बनाउन तीनवटा अन्तरक्रियात्मक गेम्स पनि थपेको छ। युट्युबका अनुसार प्रयोगकर्ताले ‘फूड र्याङ्कर’ गेममार्फत न्यूयोर्क र सिकागो पिज्जाजस्ता अमेरिकी परिकारहरूलाई र्याङ्किङ गरेर स्वादको बहस सुल्झाउन सक्नेछन्।
त्यस्तै ‘फायरवर्क्स’ गेममा स्क्रिनमा ट्याप गरी पटाका पड्काउन सकिनेछ र २५० अंक जोडेर प्रयोगकर्ताले आफ्नो छुट्टै फायरवर्क्स शो अनलक गर्न सक्नेछन्। अर्को खेल ‘कलरिङ बुक’ मा प्रयोगकर्ताले अमेरिकाका सबैभन्दा प्रसिद्ध राष्ट्रिय निकुञ्जहरूमा आफ्नो इच्छाअनुसार रंग भरेर तिनलाई वास्तविक प्राकृतिक दृश्यमा परिणत भएको देख्न सक्नेछन्। युट्युबले यस ऐतिहासिक उत्सवको सम्मानमा आफ्नो प्लेटफर्ममा विशेष ‘अमेरिका २५०’ लोगो पनि प्रदर्शन गर्नेछ। अमेरिकामा मनोरञ्जन र सूचनाको महत्वपूर्ण स्रोतको रूपमा स्थापित युट्युबले यी नयाँ फिचरहरूले धेरै मानिसलाई राष्ट्रिय उत्सवमा सहभागी गराउन र डिजिटल रूपमा जोड्न महत्त्वपूर्ण भूमिका खेल्ने अपेक्षा गरिएको छ।
