जुलाई ६ देखि १७ तारिखसम्म हुने यु–१७ उमेर समूहको तालिममा निशान्तकुमार यादव र रश्मि थाडा सहभागी हुने निश्चित भएको छ। १९ असार, काठमाडौं । ओलम्पिक काउन्सिल अफ एसिया र युनाइटेड वर्ल्ड रेस्लिङले आयोजना गरेको तालिम शिविरमा नेपालका दुई खेलाडी सहभागी हुन्छन्। जुलाई ६ देखि १७ सम्म चल्ने यु–१७ उमेर समूहको तालिममा निशान्तकुमार यादव र रश्मि थाडा सहभागी हुनेछन्। उक्त टोलीको प्रशिक्षक मनीषा सिंह हुनुहुन्छ।
त्यसै तालिम शिविरमा सहभागी हुन दुई खेलाडीसहित तीन सदस्यीय नेपाली कुस्ती टोली सोमबार चीनको ग्वाङझाव तर्फ प्रस्थान गर्ने तय भएको छ। टोलीलाई राष्ट्रिय खेलकुद परिषद्का सदस्य–सचिव रामचरित्र मेहता र नेपाल कुस्ती संघका अध्यक्ष प्रकाशकुमार कुसारीले शुक्रबार एक समारोहमा बिदाइ गरेका थिए।
