अपराजित मेक्सिको र इंग्ल्यान्ड क्वाटरफाइनल प्रवेशका लागि भिड्दै

२१ असार, काठमाडौं । फिफा विश्वकप २०२६ को नक्सआउट चरणको राउन्ड अफ १६ अन्तर्गत अर्को मनोहर र रोमाञ्चक भेटघाटमा भोलि बिहान फुटबलको जननी इंग्ल्यान्ड र उत्तर अमेरिकी पावरहाउस मेक्सिको आमने सामने हुँदैछन्। थोमस टुचेलको नेतृत्वमा रहेको ‘थ्री लायन्स’ विश्वकपको सुनौलो ट्रफी आफ्नो घर लैजान (इट्स कमिङ होम) अभियानलाई निरन्तरता दिंदै बलियो र चर्चित खेलाडीहरूले सुसज्जित टोलीसहित मैदानमा उत्रने छन्। अर्कोतर्फ, घरेलु भुमिको फाइदा उठाउँदै हजारौं समर्थकहरूको उर्जा लिएर मेक्सिको इंग्ल्यान्ड जस्तो विश्व विजेता दावेदारलाई स्तब्ध पार्दै क्वाटरफाइनलको ऐतिहासिक यात्रा तय गर्ने लक्ष्यमा छ। कागजपत्रमा इंग्ल्यान्ड बलियो र महँगा स्टार खेलाडीहरूले सुसज्जित देखिए पनि मेक्सिको आफ्नो जुझारु खेलशैली र खतरनाक काउन्टर अट्याकका लागि परिचित छ। यो “गर या मर” दबाबपूरक भिडन्तमा गल्ती गर्ने टोली सिधै विश्वकपबाट बाहिरिने भएकाले दुवै पक्ष निकै संयमका साथ मैदानमा उत्रने अनुमान गरिएको छ।

हालसम्मको यात्रा इंग्ल्यान्ड समूह चरणमा अपराजित रहँदै नकआउट चरणमा प्रवेश गरेको हो। थोमस टुचेलको टोलीले समूह एलमा पहिलो खेल में क्रोएसियासँग बराबरी खेलेको थियो। त्यसपछि घानालाई पराजीत गर्दै अन्तिम खेलमा पानामालाई हराएर समूह विजेता बनेर नकआउट चरणमा पुगेको थियो। राउन्ड अफ ३२ मा ह्यारी केनको दुई गोलको मद्दतमा कङ्गोलाई २–१ ले हराउँदै अन्तिम १६ मा स्थान सुरक्षित गरेको थियो। मेक्सिकोले पनि समूह चरण अपराजित बिताउँदै नकआउटमा प्रवेश गरेको थियो। मेक्सिकोले दक्षिण कोरिया, दक्षिण अफ्रिका र चेक रिपब्लिकाइ पराजित गर्दै राउन्ड अफ ३२ मा इक्वेडरलाई पन्छाएर अन्तिम १६ मा पुगेको थियो।

हेड टु हेड अन्तर्राष्ट्रिय फुटबल इतिहासमा यी दुइ टोलीबीच इंग्ल्यान्डको दुबर्हार शक्ति देखिन्छ। तर मेक्सिकोले सधैं युरोपेली टोलीहरूलाई कडा चुनौती दिएका छन्। हालसम्म भएका ९ खेलमध्ये इंग्ल्यान्डले ६ खेल जितेको छ भने मेक्सिकोले २ खेल जित्दा एक खेल बराबरीमा समाप्त भएको छ। विश्वकप मञ्चमा यी दुई टोलीको भेट दुर्लभ छ। सन् १९६६ को विश्वकपमा इंग्ल्यान्डले मेक्सिकोलाई २-० को अंतरले पराजित गरेको थियो। आज मेक्सिको सोही इतिहासको हारको बदला लिएर नकआउट चरणमा नयाँ इतिहास रच्ने प्रयासमा छ।

टिम न्युज इंग्ल्यान्डका टोलीमा भने कुनै ठूलो चोटको समस्या छैन। ह्यारी केनले आक्रमणको नेतृत्व गर्नेछन् भने जुड बेलिङहम र बुकायो साकाले उनलाई बलियो साथ दिनेछन्। मिडफिल्डमा डेक्लानराइसको प्रभावशाली भूमिका रहनेछ। मेक्सिकोको टोलीमा कप्तान एड्सन अल्भारेज मिडफिल्डमा चट्टानी भूमिका निर्वाह गर्नेछन्। अग्रपङ्क्तिमा सान्टियागो जिमेनेज र जुलियन क्विनोनेसको जोडीले इंग्ल्यान्डको डिफेन्सलाई चुनौती दिने रणनीति बनाएको छ।

संभावित प्रारम्भिक ११
इंग्ल्यान्ड: जोर्डन पिकफोर्ड (गोलकिपर), रीस जेम्स, एज्री कोन्सा, मार्क गुएही, निको ओ’रिली; डेक्लान राइस, इलियट एन्डरसन, जुड बेलिङहम; बुकायो साका, ह्यारी केन, एन्थोनी गोर्डन
मेक्सिको: राउल रान्जल (गोलकिपर), जोर्ज साञ्चेज, सेसार मोन्टेस, जोहान भास्केज, जेसुस गालार्डो; एड्सन अल्भारेज, एरिक लिरा, लुइस रोमो; जुलियन किनोनेस, रोबर्टो अल्भाराडो, राउल जिमेनेज

***
खेल : मेक्सिको भर्सेस् इंग्ल्यान्ड, राउन्ड अफ १६
मिति र समय : २२ असार, बिहान ५:४५ बजे
स्थान : अज्टेका स्टेडियम
प्रत्यक्ष प्रसारण : हिमालय स्पोर्ट्स