भारतमा इन्स्टाग्राममार्फत बाल दुर्व्यवहार सम्बन्धी सामग्रीलाई विज्ञापनको रूपमा प्रवर्द्धन गरेर आम्दानी गरिरहेको खुलासा भएको छ। ‘बीबीसी आई’ को नयाँ अनुसन्धानअनुसार यी विज्ञापनहरूले प्रयोगकर्ताहरूलाई सन्देश आदानप्रदान गर्न प्रयोग हुने एप ‘टेलिग्राम’ तर्फ लैजान्छन्, जहाँ प्रयोगकर्ताहरूले दुर्व्यवहारका भिडियोहरू किन्न सक्छन्।
बीबीसी संवाददाता दिव्या आर्याले भारतको साइबर प्रहरी, मेटाको पूर्व अधिकारी र अवकाशप्राप्त न्यायाधीशसँग सम्पर्क गरी यसबारे अनुसन्धान गरेकी छन्। मेटा कम्पनीले आफ्ना नीतिहरूको उल्लंघन गर्ने सामग्रीलाई प्लेटफर्मबाट हटाउने र सम्बन्धित निकायहरूलाई जानकारी गराउने जनाएको छ, तर जानाजानी यस्ता सामग्रीहरूको प्रवर्द्धन गरेको आरोप अस्वीकार गरेको छ।
