लेख जानकारीइतिहास हेर्दा युरोपेली टोलीहरूले युरोपबाहिर आयोजना हुने विश्वकपमा राम्रो प्रदर्शन गर्दैनन्। सन् १९३० यता उनीहरूले युरोपबाहिर दुई पटक मात्र उपाधि जितेका छन्- सन् २०१० मा दक्षिण अफ्रिकामा स्पेन र त्यसको चार वर्षपछि ब्राजिलमा जर्मनी विजयी भएको थियो। तर सन् २०२६ मा यो सूचीमा अर्को देश सामेल हुने अपेक्षा छ किनभने क्वार्टरफाइनल पुग्ने आठ टोलीमध्ये छ युरोपियन छन्। यी टोलीहरू हुन् बेल्जियम, इङ्ल्यान्ड, फ्रान्स, नर्वे, स्पेन र स्विट्जरल्यान्ड। आर्जेन्टिना र मोरक्कोले यस सूचीलाई पूर्णता दिएका छन्। सन् १९९४ पछि युरोपबाहिर आयोजना भएका विश्वकपमा यति धेरै युरोपेली टोलीहरूले पहिलो पटक क्वार्टरफाइनलसम्मको यात्रा गरेका छन्।
युरोपेली टोलीहरू कति बलिया छन्? हाल जारी फुटबल विश्वकपमा युरोपेली टोलीहरूले असाधारण प्रदर्शन गरेका छन्, यद्यपि प्रारम्भिक चरणमा उनीहरूको ढिलो सुरुवातले केही प्रश्न उठाएको छ। यस सिजन विश्वकपमा सुरुवातमा खेल्ने १० युरोपेली टोलीमध्ये सातले समूह चरणको पहिलो खेल जित्न सकेनन्। प्रतियोगिता सुरु हुनु अगाडि उत्तर अमेरिकाको अत्यधिक गर्मी विषय बनेको थियो र इङ्ल्यान्डलगायत धेरै टोलीले प्रारम्भिक खेलभन्दा पहिला न्याना क्षेत्रमा बसाई जमाएर मौसमसँग अनुकूलन गरेका थिए। तर केही प्रशिक्षकहरूले टोलीहरूको ढिलो सुरुवातको दोष अवस्थालाई दिएका छन्। बेल्जियमले इजिप्टसँग बराबरी खेलेपछि टोली प्रमुख रुडी गार्सियाले भने, “१० डिग्री होस् वा ३० डिग्री, हामीले राम्रो प्रदर्शन गर्नुपथ्र्यो।” अर्कोतर्फ स्विट्जरल्यान्ड प्रशिक्षक मुरात याकिनले कतारसँग १-१ बराबरीपछि आफ्नो टोलीको खराब सुरुवात यसपटक अवस्थाको दोष नभएर गोल गर्ने क्षमता कम भएको बताएको छन्।
तर युरोपेली टोलीहरूले क्रमशः लय पाउँदै समूह चरणका अन्तसम्म गैरयुरोपेली टोलीभन्दा १७ जित, १२ बराबरी र ७ हारको रेकर्ड राखेका छन्। नकआउट चरणमा पनि केही युरोपेली देशहरूले चुनौतीका बाबजुद प्रभावशाली देखाएका छन्। एज्टेका रंगशालामा मेक्सिकोविरुद्ध इङ्ल्यान्डको चुनौतीपूर्ण खेल निकै चर्चित रह्यो। त्यहाँ उनीहरूले उचाइ र प्रतिकूल भिडको सामना गर्नुपर्यो। तर उनीहरूले यी चुनौतीहरू पार गर्दै अर्को चरणमा उक्लिए र उत्कृष्ट प्रदर्शन गरे। “यसले हामीसँग विश्वकप जित्न सक्षम टोली छ भनी प्रमाणित गर्छ। यो जितले खेलाडीहरूलाई ठूलो आत्मविश्वास दिनेछ,” जितपछिको प्रतिक्रिया व्यक्त गर्दै इङ्ल्यान्डका पूर्व स्ट्राइकर वेन रूनीले भने।
