अर्जुनचौपारी गाउँपालिकाका कर्मचारी हिरालाल काफ्लेविरुद्ध भ्रष्टाचारको मुद्दा दर्ता

२५ असार, काठमाडौं । स्याङ्जाको अर्जुनचौपारी गाउँपालिकाका कर्मचारी हिरालाल काफ्लेविरुद्ध विशेष अदालत काठमाडौंमा भ्रष्टाचारसम्बन्धी मुद्दा दर्ता गरिएको छ। अख्तियार दुरुपयोग अनुसन्धान आयोगले काफ्लेले शैक्षिक योग्यताको नक्कली प्रमाणपत्र पेश गरी गाउँपालिकामा नियुक्ति लिएको आरोपमा मुद्दा दर्ता गरेको हो।

आयोगको आरोपपत्रअनुसार, काफ्लेले सहायकस्तर पाँचौं तहमा बढुवाका लागि भारतको आसामस्थित गुहाटीमा रहेको बोर्ड अफ सेकेन्डरी एजुकेसनबाट सन् १९९८ मा एसएलसीको सरह रहेको एचएसएलसी परीक्षा उत्तीर्ण गरेको नक्कली शैक्षिक प्रमाणपत्र पेश गरी नियुक्ति तथा पदोन्नति लिएका थिए।