टर्कीको अक्कुयू आणविक उर्जा संयन्त्र सन् २०२६ भित्र सञ्चालनमा आउने निश्चित

टर्कीको अक्कुयू न्युक्लियर पावर प्लान्ट सन् २०२६ को अन्त्य हुनुअघि नै सञ्चालनमा आउने पक्का भएको छ। रोसाटोमका प्रमुख कार्यकारी अधिकृत एलेक्सी लिखचेभले यस वर्षभित्र प्लान्ट सञ्चालनमा आउने विषयमा कुनै शङ्का नरहेको बताएका छन्। टर्कीको पहिलो आणविक ऊर्जा परियोजनामा चारवटा युनिट रहेका छन् र प्रत्येकको क्षमता १२ सय मेगावाट निर्धाारण गरिएको छ।

अक्कुयू टर्की गणतन्त्रमा निर्माण भइरहेको पहिलो न्युक्लियर पावर प्लान्ट हो। यस परियोजनामा चारवटा पावर युनिटहरू समावेश छन्। यी युनिटहरूमा रूसी डिजाइनका जेनेरेशन थ्री प्लस वीवीईआर रियाक्टरहरू जडान गरिएका छन्। प्रत्येक पावर युनिटको क्षमता १२ सय मेगावाट हुनेछ। अक्कुयू न्युक्लियर पावर प्लान्ट निर्माण बिल्ड-ओन-अपरेट मोडेल अन्तर्गत चलिरहेको छ। विश्वव्यापी आणविक उद्योगमा यो मोडेल लागू भएको पहिलो परियोजना हो।