त्रिवि क्रिकेट मैदानमा नेपाल र भारतको ‘ए’ टोलीबीच ३ खेलको टी–२० सिरिज आयोजना गरिने भएको छ, नेपाल क्रिकेट संघ (क्यान)ले जनाएको छ। नेपालले घरेलु मैदानमा भारतको ‘ए’ टोलीसँग टी–२० क्रिकेट सिरिज खेल्ने पक्का गरेको छ। क्यानले भारतको ‘ए’ टोलीलाई नेपाल भ्रमणका लागि औपचारिक निमन्त्रणा गरेको छ। यो टी–२० सिरिजले नेपाली क्रिकेट खेलाडीहरुको स्तरलाई अभिवृद्धि गर्ने अपेक्षा गरिएको छ। २६ असार, काठमाडौं।
नेपालले आफ्नै मैदानमा भारतको ‘ए’ टोलीसँग टी–२० सिरिज खेल्ने सहमति गरेको छ। त्रिवि क्रिकेट मैदानमा नेपाल र भारतको ‘ए’ टोलीबीच ३ खेलको टी–२० सिरिज आयोजना गरिने जनाएको छ। स्कटल्याण्डमा भएको आईसीसी सम्मेलनमा क्यानका अध्यक्ष चतुरबहादुर चन्द, सचिव पारस खड्का र बीसीसीआई सचिव देवजित सैकियाबीच भएको बैठकपछि यो सिरिज तय भएको हो।
सिरिज आउँदो डिसेम्बर ९ देखि १३ तारिखसम्म खेलिनेछ। पहिलो खेल डिसेम्बर ९, दोस्रो खेल डिसेम्बर ११ र तेस्रो खेल डिसेम्बर १३ मा हुनेछ। नेपाल र भारत ‘ए’ टोलीबीच हुने यो टी–२० श्रृंखलाले नेपाली क्रिकेटलाई उच्चस्तरीय प्रतिस्पर्धाको अवसर प्रदान गर्ने विश्वास गरिएको छ।
