भारतको मणिपुरस्थित कांगपोकपी जिल्लामा शनिबार संदिग्ध उग्रवादीहरूले गोली प्रहार गर्दा ५३ वर्षका आदिवासी किसान हाओलाल सिंगसिटको घटनास्थलमै मृत्यु भएको छ। प्रहरी अधिकारीहरूले बताएका छन्, “शनिबार हाओलाल आफ्नो खेतमा काम गरिरहेका थिए, त्यतिबेला हतियारधारी आक्रमणकारीहरूले उनमाथि गोली हान्न थाले,” र उनको घटनास्थलमै मृत्यु भयो।
कांटो सबल गाउँमा घर जलाउने तथा हिंसात्मक घटनाहरूमा संलग्न भएको आरोपमा प्रहरीले दुई जनालाई पक्राउ गरी थप अनुसन्धान गरिरहेको छ। २८ असार, काठमाडौं। हत्या भएका किसान आफ्नी श्रीमतीसँग धानखेतमा काम गरिरहेका थिए। कांगपोकपी प्रहरीले मृतकको पहिचान गोवाजांग गाउँका हाओलाल सिंगसिटको रूपमा गरेको छ।
एक प्रहरी अधिकारीले भने, “शनिबार हाओलाल खेतमा काम गरिरहेका बेला हतियारधारी आक्रमणकारीहरूले उनलाई गोली हाने। धेरै गोली लागेपछि उनी घटनास्थलमै मृत्युवरण गर्नुभयो। आक्रमणको क्रममा उनकी श्रीमती पनि त्यही थिइन्, तर उनी सुरक्षित रूपमा भाग्न सफल भएकी छन्।”
प्रहरीले यस घटनामा मुद्दा दर्ता गरी सुरक्षाकर्मीहरूले आक्रमणकारीहरूको खोजी गरिरहेका छन्। गोवाजांग कूकी समुदायको अन्तिम गाउँ हो जुन कांगपोकपी जिल्लाको ट्विलांग क्षेत्रमा पर्दछ र यस घटनापछि त्यहाँ त्रासको माहोल सिर्जना भएको छ। यसैबीच शनिबार दिउँसो करिब २ बजेतिर माइटेई समुदायका केही घरहरूमा आगजनी भएको छ।
कांगपोकपी जिल्लाको कांटो सबल गाउँमा भएको हिंसा तथा खाली घरहरूमा आगो लगाउने प्रयासमा प्रहरीले कारबाही थालेको छ। मणिपुर प्रहरीले, सीआरपीएफ, आरएएफ र सेनाको संयुक्त टोलीले दुई जनालाई पक्राउ गरेको छ। पक्राउ पर्नेहरूमा लीमाखोंग एरिया प्रोटेक्सन कमिटीका अध्यक्ष एवं हेंगजांग गाउँका मुखिया ६५ वर्षीया कम्मंग ल्होवम र खुनखो कूकी गाउँकी ३० वर्षीया पैगिन हैंगशिंग रहेका छन्।
प्रहरीले सामाजिक सञ्जाल एक्समा बयान जारी गरी अन्य संलग्नहरूलाई पहिचान गरी पक्राउ गर्ने प्रयास भइरहेको जनाएको छ।
